Кӗнеке - пӗлӳсен тӗп ҫӑлкуҫӗсенчен пӗри пулнине пирӗнтен кашниех пӗлет, вулас кӑсӑклӑха ачасен шкулчченхи ҫулсенчех аталантармалла. Августӑн 6-мӗшӗнче ачасене библиотека ҫинчен пӗлӳ парас тӗллевпе Элӗкри тӗп библиотекăра экскурси ирттернӗ.
Ачасем кӗнекесем ятарлӑ ҫуртра пурӑннине пӗлчӗҫ, ӑна библиотека теҫҫӗ. Унта вӗсене тӑрӑшсах упраҫҫӗ, ҫынсене нумайччен ӗҫлесе тӑма пултарччӑр тесе сыхлаҫҫӗ. Тӗп библиотекӑн заведующийӗ Наталия Алексеева ачасене библиотекӑра хӑйне мӗнле тытмалли, кӗнекене мӗнле тыткаламалли правилӑсемпе паллаштарчӗ. Шкулчченхи ачасем кашни кӗнекен кӗнеке стеллажӗнче хӑйӗн вырӑнӗ пуррине, кӗнекесем пурте йӗркеллӗ тӑнине, вӗсене киле илсе библиотекӑн вулав залӗнче вулама май пуррине, библиотекӑпа кашни усӑ кураканӑн вулав формуляр пуррине пӗлчӗҫ.
Малалла ачасем "Библиохолл", "Живой край" зона, "БИБЛИОтворчество" зона, медиацентр, Коворкинг зона, хӑтлӑ вуламалли тата уйрӑм ӗҫ валли" лӑпкӑ зона", нумай функциллӗ зал тата "Библиотаж" зонӑна ҫитсе курчӗҫ. Библиотекӑн мӗнле майсем пуррине пӗлчӗç, хальхи техникӑна, сӗтел ҫинчи тата интерактивлӑ вӑйӑсене, ҫӗнӗ кӗнекесем нумаййине курчĕç . "Библиозож" зонӑра тӗрлӗ тренажерсем пуррине. Мультипликацин студийӗнче пӗчӗккисем мультфильмсем тумалли оборудованипе интересленчĕç, "Юмах" ача-пӑча студийӗ тунӑ мультфильмсемпе паллашрĕç.
Тӗлпулу Wi-fi сетьлӗ зона, интерактивлӑ хӑма, мультимеди оборудованийӗ пуррине пӗлме май пачӗ. Кӑмӑл тӑвакансем пурте интерактивлӑ урайӑн активлӑхӗн зонине вырнаҫма пултарнӑ, вӑл хӑйӗн ӗҫӗсемпе сӑнӳкерчӗксене чӗртет, улӑштарать. Вӑйӑ вӑхӑтӗнче ачасен пысӑк моторика, реакци тата тимлӗх, когнитивлӑ тата социаллӑ пӗлӳсем аталанаҫҫӗ. Хаваслӑхпа савӑнӑҫ тинӗсӗ "Баба Яга", "Три поросенка", "Виҫӗ упа", "Муха - цокуха" тата ытти вӑйӑсене чӗнтернӗ.
Экскурси воспитанниксене ҫав тери тӗлӗнтерчӗ. Библиотекӑран ачасен каяс килмерӗ, ҫавӑнпа вӗсем ашшӗ-амӑшӗпе пӗрле библиотекӑна килме шут тытрӗҫ. Ачасене кӗнеке культурине хӑнӑхтарни, пурне те пӗлекен, вӗреннӗ ҫынна воспитани пани питӗ кирлӗ. Ҫавна пула ачасем пурте лайӑх, тирпейлӗ вулакансем пулма тата час-часах библиотекӑна килме шантарчĕç.
